馬時亨民望雖然係低，但仍然繼續力爭上游，龜兔賽跑，佢係爬得慢嗰個，值得學習。八方聽聞，佢前日履行承諾，同沙士家庭齊齊去葵青觀橋中心BBQ，馬局長燒雞翼原來好有一手，怪不得食到大家嘴舔舔。
當然呢類活動次次都唔少得眾人契媽李麗娟。契媽一收到八方電話，就不斷呼怨，話啲行家唔應該只報憂不報喜，話佢哋唔幫某個想移民嘅沙士家庭，壓住啲錢唔放。
契媽話，佢嗰日一邊燒嘢食，一邊同八個家庭做調查，佢哋一致贊成由護幼基金會嘅負責人為佢哋管住啲錢，分批發放。至於嗰位有兩個女嘅朱女士，一直由羅范負責跟進，佢哋已答應盡快開會處理佢嘅特別要求。講到尾，大家都係想保護啲小朋友，不過啲師奶高官各擁山頭，沙士期間就賺人熱淚，事過境遷就變咗負累，林鄭月娥、羅范同契媽係自願幫手，希望溝通吓，有事搵佢哋傾咯。
傳真︰2623-9278
電郵︰