好多儲波鞋嘅人都希望擁有一啲與別不同的波鞋，好似甚麼cross-over，甚麼限定版等等；而佢哋嘅終極收藏目標，都會係NBA嘅球員版球鞋。除咗要高昂金錢之外，儲球員版鞋重要講關係、運氣同耐性。
究竟乜嘢喺球員版呢？一般係指波鞋商專為球員生產嘅波鞋，最特別嘅地方喺通常會有為球隊而設嘅配色，又或繡有球員名字、球衣號碼；同埋一啲有特別意義嘅句子（如卡達的VC2繡有“Y'veall4got”）。部份球員版甚至連鞋身結構都有改動（如AirPippenIV就由普通版的maxair，改為球員版的VisibleZoomAir）。佢哋共通點就係非常罕有，因為通常只生產十零廿對，同埋只係得九號同球員本身的尺碼！
球員版嘅貨源其實得幾個：球員捐出作慈善用途、波鞋公司放出嚟、或者俾場館職員偷出嚟賣；想買則要上ebay，或同啲「球員版」嘅收藏家購買。價錢方面必定比普通版貴，好似KobeFlightHuarache就炒到成八百蚊美金，重要慢慢「哺」先有收穫。好似小弟的DerekAndersonAJXI白/黑，就足足等咗兩年，𠵱家先訂嘅MeloXII白/粉藍，都唔知要等幾耐……