董建華明日上京面聖，向胡溫曾滙報吓香港特區近況，當然離唔開區選大敗同平機會醜聞。
有人同八方輸賭，佢老哥一定唔敢提出要炒日日爆笑有新花款，仇港情緒長期衝動兼患有間歇性失憶嘅鄔維庸醫生。
何解？因為佢係老董嘅親密戰友兼頭號智囊。鄔醫生個仔係沙士期間醫人，不幸染病，佢唔止冇責怪特區政府，重叫人唔好追究，凡事向前看，呢種偉大情操，拍得住老毛。當年老毛個仔韓戰俾美軍炸死，尼克遜訪華，老毛一樣唔敢叫尼克遜陪命。
鄔醫生由《基本法》起草時已獲北京信任，一直擔任草委，過渡後又做埋基本法委員會成員，曾經呼籲過港人學習吓享受被強姦，任何對《基本法》嘅修訂都要問佢意見，你話幾把炮？
傳真︰2623-9278
電郵︰