福特Ka呢個名字,相信大家唔會感到陌生,因為佢曾經成為一眾車迷嘅追捧對象;然而,縱使廠方多次為其推出Facelifted新版,但由於外形萬變不離其宗,或多或少會予人看膩之感。
響最近,外國方面就傳來消息,話福特廠方正為Ka車系,落力研製新一代版本,以求予人一新耳目之感,並有望快將推出;新車將會起用現有新一代Fiesta嘅底盤作設計平台,而設計師亦為新車設計出多個唔同嘅新造型(如下圖),但該消息指出,不少車迷希望新Ka嘅造型,能夠保持原有嘅神髓,以顯現出一份獨特個性,故此廠方仍不斷努力為新車嘅外形進行設計工作,以求迎合用家口味。
另外,新車會以一台1.3公升嘅Zetec引擎作主打,馬力輸出約74匹,用以驅動此車可謂綽綽有餘;若你對新車感興趣的話,就要密切留意確實推出日期喇!