電盈噚日舉行一年一度運動同樂日，八方去睇熱鬧，今年除咗大人玩嘅運動比賽外，重整咗個兒童遊樂場，一於大人細路合家歡，入場人數亦創紀錄達到一萬人。不過，電盈主席小小超李澤楷因事未克出席，由副主席兼董事總經理「積蘇」蘇澤光主持。第一次參加呢個活動嘅積蘇玩樂不忘工作，喺開幕禮上呼籲員工，要將運動會上嘅團隊精神同努力用諸於工作上，因為𠵱家電訊業競爭激烈，佢話相信透過大家嘅拼搏精神同努力合作，一定可以取得更卓越成就。
電盈嘅管理層重落場同員工一齊玩競技遊戲，蘇澤光負責運波仔，結果管理層隊攞咗第四名。
傳真︰2623-9278
電郵︰