立法會主席范徐麗泰噚日同老公范尚德齊齊現身馬場，皆因佢哋名下隻「另具一格」又再出賽，結果重順利贏馬㖭。
記得「另具一格」響上月中初出即贏，由於當晚乃禮拜三，范太要主持立法會會議而冇到場，今次總算補拉番場頭馬。對於「另具一格」跑兩場贏兩場咁好成績，范太話係佢老公買馬有眼光，揀到隻好馬。范太重話馬場入面氣氛好熱鬧，第日愛駒再出賽，一定會盡量抽空入場打氣，若然愛駒能夠幫馬迷贏錢，咁就最好不過啦！
范大贏馬，唔通係天顯吉兆，預示佢明年選立會，一樣會別具一格贏出？多隻香爐多隻鬼，民建聯又要驚多啲咯。
（圖）范太（左）及范尚德（右）連中兩元，難怪咁開心。
傳真︰2623-9278
電郵︰