維港巨星匯在高官傾軋之下滿盤落索，雖然被譏為又老又吸毒嘅滾石樂隊，兩場壓軸演出贏得滿場喝采；以千五蚊張飛計，每場一萬人卻執番三千萬，但係一樣過唔到骨，財爺唐英年若非使出一招獨立調查拖字訣，都好難頂得住立會炮火。
不過，搵邊個去查呢？自己人查自己人肯定死火，真正有公信力嘅人又未必肯幫手，就算肯亦未必聽話。今時今日，要搵人幫政府，就好似負資產問銀行借錢咁難。
有人就建議，不如搵夏佳理啦，夏叔現時係馬會主席，夠晒公信力，加上幫醫管局做調查又做得咁出色，唔爭在捱多一次義氣；而且唐少同佢都係自由黨出身，多少有同門之誼，好易話為啫。
八方就覺得邊個做都冇所謂，呢單嘢實情唔係咁大件事，只要保住唐司長就得啦。
傳真︰2623-9278
電郵︰