《基本法》二十三條不可碰，老董唔信邪，終於損兵折將，先有葉劉掛冠而去，後有曾主席引咎請辭。
據左派陣營消息，曾主席今次請辭唔係得個講字，土共已經有晒準備搵人接棒，事實太空曾都要下台，都冇佢辦法。
土共呢次嘅招數，叫做「置諸死地而後生」，重鬼咁高興同八方講，好彩係區選已經滑晒鐵盧，全軍告急，令佢哋有成年時間收拾殘局，明年立法會兩軍對壘嘅時候唔至輸得咁慘。
土共肯積極面對困境實在值得民主派學習，不過，呢一年佢哋點改頭換面，洗心革面，或者改過自身真係要考功夫。正如班學者講，土共最致命嘅係以為九七後當家作主，喺度猛咁為老董出計仔，卻不明香港成功不在於土共領導，而在於土共不領導，因為佢哋唔識領導。
傳真︰2623-9278
電郵︰