「𠵱家做廠都係服務業，就算係做拉鏈都要配合客人需要。」曹婉兒一語道出歐美成功之道，歐美不是做一家零售家具店，是一家以項目為主的公司。「因為做projectbase，即係一間公司打算搬，搬過去邊一度，三個月之後會搬，我現在開始搵人裝修公司，搵個項目管理公司同你間家具公司夾。」
歐美要同designer夾，同P.M.夾，同客夾，客嗰邊可能有幾個老闆，不停改變主意，好似我哋有時臨到交貨前幾日先至講，『喂唔得噃，全場屏風由1.5米，改造1.3米，或者由1.3米改造1.5米。』嘩！七七八八做起晒叫你改，你要平衡，一係你就得失個客，一係你就招呼佢。」
不過，曹婉兒十分重視誠信，不會一味應承客人。她說：「不要俾對方錯誤嘅期望，佢要你改，你唔可以話盡量，唔得就要話唔得，佢最多鬧你唔夠彈性，但如果你敷衍佢，佢以為你改得到，到嗰日又交唔到，咁就唔只一人鬧你十句，而係九個人每人鬧你十句。」
