行山怕腳仔痠軟？今天我們改為到香港的公園走一走。其實香港唔少公園都好有睇頭，要靚景？要益智？重要活動多多？冇問題！看看我們挑選的三個分處於荃灣、屯門、沙田的至正之選，保證令你樂而忘返！
記者：陳震霖 攝影：陳智良
模特兒：Marco、Elva、Yuko（Space2）
荃灣公園兒童單車徑附近的這個通頂大塔，外面平平無奇，但一走入去，感覺完全不同。牆壁上用紙皮石砌成一幕幕的海底世界，珊瑚魚像在身邊游來游去，我以為自己「潛」入深海。由「海底」往上望，又看到蔚藍天空，就如井底之蛙，不過，如此美麗，做一陣井底之蛙又何妨！
公園最特別的地方，就是設有門球場給遊人租用，現場所見，公公婆婆們正玩得起勁，連我也忍不住要一試這種較冷門的運動。但原來一點也不易玩，最後竟然勞動公公婆婆指點，才有少少進步。每月12日開始預訂場地，費用全免。
這裏景致如畫、藍天白雲、燈塔旁偶爾有一群海鷗飛過，別以為我要介紹歐洲某某小島，其實首先出場的，是位於藍巴勒海峽旁邊的荃灣公園。因為公園位於海傍，設計師特別以海洋為這裏的主題，公園中心的露天廣場也是一塊巨帆。
呢個著名的瞭望塔，不可不去。在塔上，無敵大海景一覽無遺，藍巴勒海峽、汀九橋、青衣島等等遠景盡收眼底。睇靚景又何須一定要走到身水身汗，上山下海呢？
交通
荃灣地鐵站南豐中心巴士站乘238M至楊屋道街市站下車。（$3.00）
爬蟲動物踩完元朗南生圍再踩屯門！大家先唔使一窩蜂衝去睇，等我介紹完大家再去都唔遲。其實我所講嘅係足足有12公頃的屯門公園。裏面有一個靚靚人工湖，環境優美唔在講，不過講到必蒲點，就梗係滿布爬蟲動物的爬蟲館。
爬蟲館有成十多種類爬蟲動物畀你睇餐飽，變色龍、蟒蛇、蜥蜴就樣樣有齊。想近距離接觸都唔使驚，因為佢哋都乖乖咁喺個飼養展示箱裏面。加上其他動物標本和旁邊的簡單說明，假日想睇吓爬蟲動物都唔使一定要入元朗啦。
不可不提嘅係，呢度全年365日都係24小時開放（除了爬蟲館），堪稱全港最「勤力」嘅公園之一。碰巧呢日有一班來自將軍澳的小學生嚟旅行，We嘩鬼叫，好不熱鬧。又大，又靚，又有爬蟲動物睇，難怪公園幾時人氣都咁旺啦。
雖然這裏沒有鱷魚，不過鎮館之寶一樣有睇頭，就係呢兩隻盾臂龜，個龜殼有成個鑊咁大，睇到個個「嘩嘩」聲。佢哋屬瀕危物種第二類，如果天氣好，工作人員重會放佢哋出去草地曬太陽。
交通
荃灣地鐵站南豐中心巴士總站乘66M便可到達。（$6.90）
美麗的花花草草似乎已經是各式公園的例牌菜，但係你有冇諗過有啲情侶嚟呢個公園係另有特別意義？我所講嘅其實係指公園隔籬嘅沙田婚姻註冊處，唔少幸福嘅新婚夫婦都會喺沙田公園影靚相，話呢度係幸福嘅公園，絕不為過。
淨係行完公園唔夠？咁就要去公園旁嘅單車徑踩陣單車，一邊踩，一邊欣賞城門河和公園外圍的景色。重唔夠？可以踩出沙田，踩到大圍、大埔，甚至大尾篤。租車平日每天$40，周末及假日$60。寶華三公司（92258204）沙田公園單車亭三號
唔好以為呢度只係得亭台樓閣，只有大人可以玩浪漫，嚟公園，一樣係小朋友們嘅開心節目，沙田公園呢度一樣唔會令小朋友失望。兒童歷奇樂園裏面，就有中國式城堡，又有引人思考的遊玩設備，話唔定會令小朋友愈玩愈聰明。
交通
乘火車到沙田站落車，經過沙田新城市廣場往沙田大會堂走三分鐘便會到達沙田公園。
