立法會大樓昨日舉行開放日，十四位立法會議員充當臨時導遊，喺立法會大樓會議廳同會議廳前廳接待參觀者，向公眾介紹立法會設施及工作，范太由頭帶到尾介紹種種設施。
前廳平日係議員專用地方，隨時見到議員真情流露鏡頭，包括睇波同開餐，亦係官員狗仔隊人盯人箍票嘅地方，一般市民當然見唔到呢啲香港政壇最現實嘅場面，卻有機會入去主席范徐麗泰個辦公室參觀。
八方有幸入過范太個辦公室一、兩次，印象最深係放咗張電動按摩椅，不過噚日好似搬走咗，可能費事一般市民以為范太好識歎啦。
全日有五十六個團體共二千六百幾人參觀立法會，自由黨主席田北俊好受歡迎，唔少細路搵佢攞簽名，唔知對佢考慮直選有冇影響呢？
（圖）范太做咗一日導遊，好耐心咁話畀啲嚟參觀嘅學生知，呢個大鑼係用來提醒議員入會議廳開會嘅。 成啟聰攝
傳真︰2623-9278
電郵︰