正當「鱷魚釗」忙着尋找鱷魚蹤影之際，南生圍村民再傳出發現另一條鱷魚！「大嗰條有四呎幾長，細嗰條有三呎長」村民鄧女士言之鑿鑿稱曾見過兩條一大一細鱷魚出現在河岸上曬太陽。
多名住在山貝河附近的村民表示，曾多次聽過村中小朋友講見過兩條鱷魚，但小的那條鱷魚甚少上岸。「我好耐之前見過一條約三呎長的鱷魚在岸上，隔兩日後又見一條四呎幾長的鱷魚在岸上曬太陽」村民鄧太說：「我好肯定兩次所見的不是同一條鱷魚，因為無理由隔兩日就會變得咁大」。
「我見過兩條鱷魚同一時間上岸曬太陽，係一大一細」一名住在附近的村童說：「當時講畀大人聽，大人都唔信」。
自從南生圍發現鱷魚後，鱷魚傳聞愈來愈多，除了鱷魚來歷及身世出現不同版本外，現時連鱷魚的數目亦撲朔迷離。
本報記者