剛完成演唱會的林敏驄，昨日傳出喜訊，原來其妻陳伶俐第二度懷孕，預計明年六、七月便會多添一名成員。記者昨日致電祝賀林敏驄時，他笑說：「係呀！搞掂咗！」
現時林敏驄育有一名四歲兒子林肯，陳伶俐曾表示希望再追一個女兒湊成「好」字，但林敏驄昨日說：「生女要等下次啦！」暗示太太陳伶俐所懷的又是男嬰。
儘管早陣子林敏驄為演唱會忙個不停，但他揚言自己乃「忙裏偷閒」，然後「一擊即中」。
林敏驄說：「計埋之前演唱會演出成功，今次應該係雙喜臨門至啱！報道話我哋演唱會第一場入座率只得五成，但其實當日因為尖東有亮燈儀式，交通又擠塞，搞到觀眾成九點幾先至入場，第一場入座率其實有七成，第二晚有八成，成績都算唔錯㗎啦！」
採訪：戴彩煥