萬人迷木村拓哉嘅fans怕且又要傷心多一次，原來木村唔止有兩個女，重有個「私生子」！木村嫂工藤靜香重要名正言順咁帶埋木村嘅「私生子」，去玩佢同木村最鍾意嘅滑浪㖭。我羅拉睇真啲先發現原來呢個係廣告嘅橋段，裏面靜香喺度賣私家車，重拖埋個假囝囝一齊拍。不過廣告出咗街之後，都唔係太多人講，如果木村都肯一齊拍，個廣告效應就一定差好遠啦！