《ALIEN》唔係啱啱先出過一套4集嘅完全版珍藏版咋咩！做乜又有新版推出？
原來新套裝版《ALIENQUADRILOGY》（1區）最唔同之處，係除咗跟上一個套裝版一樣，玩5.1聲道之餘，還重新加入超靚聲效嘅dts音效，不過最令筆者心動者，係每集都有加長片段，所以每集收錄嘅DVD碟片，亦由一隻變成兩隻，使故事變得更圓滿！
除咗4集《異形》嘅8隻DVD之外，今次珍藏版重會多加一隻Making嘅BonusDisc，好多畫面都係未發表畫面，9碟的加長片段時間共50小時，真係唔講得笑！價錢都唔貴，同4碟舊版差唔多價，好抵玩！
《魔盜王：決戰鬼盜船》嚟緊12月會出3區DVD，不過美版1區已經搶先登陸！聲畫方面有齊dts同5.1聲道，好多人都話畫面超靚！如果屋企套影音夠靚仔，真係隨時拍得住喺戲院睇！
今個星期SUPERBIT有批正片做降價；SUPERBIT系列一向Sell特靚聲畫，所以價錢一向都會幾貴吓！原價每隻要成$145，𠵱家$78就買到隻，好片推介包括有《驚情四百年》、《狂野武士》、《第5元素》同《三步殺人曲》等，全部都係現時一般AV舖嘅試機碟，未買嘅要趁手，全部數量有限，賣完即止！
BBC嘅生物紀錄片一向都做得好有水準，今個星期就新番咗隻《冰雪的童話》，全部講述地球兩極生物的生態故事！正到好似去太空館睇！最方便係3區碟，有齊粵話、國語、英語旁述，最啱周末一家大細一齊睇！
資料提供：DVDPRO
電話：23326326