秀茂坪村水泵壞房署懶理

秀茂坪村水泵壞房署懶理

觀塘秀茂坪邨入伙僅三年的秀程樓,水泵表板和摩打損壞,至水壓不足,過去一個多月,傍晚繁忙時間,食水喉管出水如絲,甚至突然供水中斷,居民不但洗菜煮飯成問題,更不能用洗衣機洗衣,甚至沖涼中途停水,房屋署卻「懶懶閒」,並未盡快為居民解決難題,將責任推到要在海外訂購水泵零件,令住戶個多月來飽受供水緩慢之苦。

秀程樓居民馮先生投訴稱,每日傍晚六時至九時間,多人用水的繁忙時候,供應食水水管,出水有如一條線般慢。「已經成個幾月喇,啲水流到好慢,連停水都試過,有時有水,有時又冇,好唔方便。」

洗衫冇水沖涼停水
他說,曾試過洗衣機洗衫時冇水,沖涼中途停水,十分不便。他曾多次向管理處投訴,管理員答覆是水泵損壞,未安排維修。「條邨都好新吖,入咗伙得嗰幾年,邊諗到咁快呢樣壞嗰樣壞啫。」
負責管理秀茂坪邨的創毅物業服務顧問有限公司物業經理陳國柱回覆本報稱,秀程樓出現食水水流慢及突然供水中斷,是因為水泵表板和摩打損壞。
根據紀錄,秀程樓只在本月十二日發生停水,要由人手操作水泵,事後管理公司派人維修,三小時後恢復食水,現水泵表板已修妥,但水泵摩打則須向海外訂貨,運抵港後始能更換。
管理公司建議,居民遇到喉管出水慢時,可向管理處投訴,由職員跟進,以了解食水供應情況。

「成條邨都有問題」
觀塘區議員麥富寧表示,他亦收到秀茂坪邨秀程樓居民反映食水供水慢及經常突然停水,且多於每日下午六時至九時間,多人用水時出現。
他稱:「秀程樓只係入咗伙大約三年,咁快已經呢度壞嗰度壞,好有問題」。
他曾聯絡房屋署及管理公司查詢,得悉管理公司已從海外訂貨,安排更換水泵摩打。
「其實,除了秀程樓外,秀茂坪邨尚有其他樓宇鹹水水泵亦出現同樣問題,根本成個秀茂坪邨都有呢方面問題」。(一一二六○九○)

服務熱線
電話:29908288
傳真:23702192
電郵:[email protected]