張栢芝日前接受電台訪問時，被問及與陳小春有否發展機會時，竟然直認與小春的關係並不普通，更指小春今年剛三十六歲，甚有條件當她的男友，她還說：「好嘅男人拍吓拖都冇所謂。」
張栢芝日前接受新城的《今夜陽光燦爛》訪問，剖白她出道以來的種種是非、感情與家庭等問題。曾感情重傷的栢芝，被問到現時的擇偶條件時，她說：「我鍾意啲三十五、六歲嘅男人，我唔鍾意人睇外表，外表唔重要，我鍾意人睇內心。」
栢芝亦直認今年剛三十六歲的陳小春甚有條件當她的男友，問她小春的條件如何時，她笑說：「啲條件都OK㗎！」
問栢芝會否愛上劉德華這類型的男人時，栢芝卻嫌華仔太過靚仔，恰巧小春不是靚仔型，而栢芝更謂內在美才最重要，似乎在暗示與小春有發展的機會。當她被問到曾否與小春拍拖時，栢芝說：「我哋係好好好朋友，唔係普通關係，喺我眼中佢對女仔好好。將來嘅事我唔知，所以肯定唔到。好嘅男人拍吓拖都冇所謂。」
而談到剛與王菲分手的謝霆鋒，栢芝亦表示這段情曾令她十分困擾，她說：「我經歷咗好多嘢，係最後一次失敗咗嘅愛情，令我成個人變晒，但係變好，唔係墮落。我係一個永遠都唔會後悔嘅人。（分手後）九個月嚟我好快樂。」
此外，栢芝前男友霆鋒現時身在台灣錄音，日內他將會到台北郊外取景拍攝專輯封面，他今次行程十分低調，一直戴着耳機聽音樂，昨日記者問到他和王菲分手的感受時，他起先是聽不到問題，隨後拿下耳機卻又裝聾作啞、搖頭晃腦地只是笑笑，沒有回應。