唔好話香港係文化沙漠，有份量嘅文學講座原來都好受歡迎。
八方聽聞，由中大文學院主辦嘅第二屆「新紀元全球華文青年文學獎」，下月七日喺中央圖書館舉行頒獎禮，二十九名來自中港台等各地嘅得獎者屆時都會出席，為咗配合呢件盛事，以及慶祝中大成立四十周年，大學重特別安排下周五喺校內舉行三節專題講座。
呢三節講座嘅講者都好出名，講文學繙譯嘅有彭鏡禧、李景端以及金聖華；散文創作方面，由余光中、林文月以及董橋主講；而以小說創作為講題嘅就有王蒙、白先勇、劉以鬯以及齊邦媛，位位都係名家，唔怪得book入場券都已經book到都爆晒棚，大會方面正大傷腦筋，因為逸夫書院大講堂只有五百個位，𠵱家第二、三場都有一千人報咗名，睇怕都要抽籤決定。至於有興趣聽繙譯嘅，就仍然可以電郵至
傳真︰2623-9278
電郵︰