八方噚日見到李國寶，問佢對鄔維庸下戰書，約佢公開辯論平機會風波一事點睇，寶Baby回應話：「鄔生同我都好熟，我哋識咗好多年……我個人要用良心睇嘢，最緊要為香港，唔好為朋友、個人問題……而誤咗香港緊要嘅事……我有時會得罪朋友，今次可能會得罪鄔生。我個人擺香港第一，友情第二，最重要係睇點樣做，對香港最好，因為香港呢個地方全世界睇住，如果香港有呢啲事發生，我要用良心去睇，我唔係話人哋唔係用良心睇……我自己好大膽，乜都係，無論voting，講嘢，大膽咁講句，我都係問良心」。
好一句「香港第一，友情第二」，咁會唔會同鄔醫生通電話解釋吓？「冇需要，佢可以打電話搵我，佢又唔係唔知我電話」咁又會唔會接受佢挑戰？「我唔受挑戰……我最怕挑戰。」當真？
傳真︰2623-9278
電郵︰