名填詞人林振強本月十六日因癌病逝世，他生前的恩師黃霑昨日與顧嘉煇到尖沙嘴文化中心為音樂劇《酸酸甜甜香港地》打氣，被問到愛徒逝世一事時，初時霑叔以尊重林振強遺孀低調意願為理由拒絕多言，經記者連番追問，霑叔始說：「好可惜。」
據悉林振強當年嘗試填詞，第一首作品交予霑叔過目，卻被霑叔丟進垃圾桶，霑叔直認不諱說：「係，我冇改過佢，我睇完之後一句說話都唔講就丟落垃圾桶，我覺得咁做對佢係一個鼓勵，佢份人係咁至得。其實我成十年冇見佢，有乜資格講佢？」問霑叔會否為林振強病逝難過？霑叔說：「梗係會唔開心啦，點會好開心啫，生生死死個個都有，但佢好短命。」說話至此，霑叔頓時變得十分沉默，不欲再說下去。
採訪、攝影：馮美茵