如果你係Rally賽事嘅Fans，咁明年嘅世界越野錦標賽，就記住唔好錯過喇！因為將會有一款新戰車出賽，究竟係邊款？之唔係全新嘅三菱LancerWRC04囉！
MitsubishiMotorsMotorSport今回用作參加明年世界越野錦標賽嘅全新LancerWRC04，不但加有全車包圍之餘，另外更加裝有全新設計嘅頭冚、車頭整流器及車尾定翼等等，望落好有一份霸氣。與此同時，車子嘅引擎亦經過改良，雖然係以一台大家熟悉、編號為4G63嘅2.0公升直4Turbo偈作骨幹，但馬力輸出就高達300ps/5500rpm，而扭力輸出更高達55.0kgm/3500rpm，性能表現甚為出色。
新戰車嘅底盤結構亦被強化改良，除以前後麥花臣支柱作懸掛組合外，配合上一套出色嘅四驅系統，就算行走崎嶇不平嘅路面，都可予人頗高嘅循迹性；而四輪大口徑Brembo透氣煞車碟，亦可有不俗嘅制動表現。各位Rally賽Fans，記住要密切留意明年舉行嘅世界越野錦標賽喇！
