性感呢家嘢真係各花入各眼，各人有唔同嘅感覺，最近英國有本走色情藝術路線嘅雜誌，就搵咗一千人，選出佢哋心目中嘅性感女神，結果都幾出人意表，大部份榜上有名嘅女性，好似SophieDahl、JerryHall同桃麗芭頓（DollyParton）都係徐娘半老，而較為後生嘅莉芙泰萊（LivTyler）同莫妮卡貝露慈（MonicaBellucci）都係身形豐滿嘅肉女。
雜誌《EroticReview》最近搵咗一班好捧色情藝術嘅讀者、專欄作家同名人嚟投票，選出佢哋心目中最性感嘅女神。結果真係令我大口羅拉跌晒眼鏡，名列前茅嘅，唔係一向身材fit到爆同青春無敵嘅名模，反而唯一可以上榜嘅模特兒，就只有滾石樂隊（TheRollingStones）主音米積加（MickJagger）個肥肥哋嘅前女友SophieDahl。
而米積加嘅前妻JerryHall、好騎呢嘅女星桃麗芭頓同設計師VivienneWestwood都榜上有名，雖然佢哋𠵱家都一把年紀，但諗番佢哋有啲人後生嗰陣又真係幾正嘅，連我羅拉都只可以講一句「世事無奇不有」！