張可頤在無綫台慶贏了大獎，卻輸了友誼，她在攞獎後太得意忘形，其言論辣㷫佘詩曼、郭可盈和宣萱三位花旦，結果遭一眾花旦排擠。昨日阿佘出席無綫的祝捷會時，擺明車馬拒絕跟張可頤同坐，令張可頤由「我最喜愛的女主角」慘變成「最乞人憎女主角」。
張可頤雖然在無綫台慶一償多年心願，贏了「我最喜愛的女主角」大獎，卻惹來大堆是非。事緣張可頤在佘詩曼講說話時「嘴藐藐」外，更在領獎後太得意忘形，窒阿佘明年要勤力些之餘，又指郭可盈攞不到獎是因為欠缺代表作，登時辣㷫了幾位花旦。
「係咪唔想撈㗎？」
阿佘除了不滿張可頤口出狂言外，最主要原因是不滿張可頤獲高層偏袒。台慶舉行當天，張可頤與阿佘齊齊缺席上午舉行的總綵排，監製得悉後即在錄影廠當着數十位藝員面前大罵：「嗰個佘詩曼係咪唔想撈㗎？」相反張可頤卻可幸免，令阿佘不是味兒。
至於被張可頤指沒有代表作的郭可盈，則反駁對方攞到獎並不代表特別叻，而其男友林文龍亦加入罵戰說：「攞到獎唔代表全世界最叻，做女主角成日遲到，要成班人等你就好大件事。」事實上，除了郭可盈和阿佘不滿張可頤外，還有早年因遲到問題跟張可頤結怨的宣萱，一下子令張可頤變成眾矢之的。
着長褲竟然怕走光
一對不和花旦佘詩曼和張可頤昨日齊往尖沙嘴出席無綫收視祝捷會，一眾藝人預備大合照時，張可頤已坐在台邊，阿佘則在另一邊接受記者訪問。當公關上前要求阿佘坐在張可頤旁邊時，阿佘表示：「唔好啦，我怕走光呀，所以都係唔坐台邊啦。」但阿佘其實在裙內穿了tightpant（貼身褲）。最後，張可頤就拉了劉松仁坐在旁邊，而阿佘就站於張可頤後面。
對於連日來的是非，張可頤說：「我以後講嘢會好小心，總之唔係我親眼睇到、親耳聽到嘅嘢，我係唔會回應。」問張可頤會否覺得自己得罪了同台所有花旦？她說：「係你哋寫到我同個個都唔妥咁，我完全冇感覺呀，其實個個女藝人都係做番自己嘢。自從得獎之後就好多是非，明智嘅觀眾一定知係乜事，我都無謂愈描愈黑，高層都冇就呢件事召見我。」
唔識郭可盈代表作
張可頤更表示若遇到郭可盈時會實話實說，她說：「如果我見到佢會好客觀咁同佢善意去分析，叫佢唔好上當。」而阿佘則指自己與張可頤的關係從來沒有改變，她說：「總之我冇留意嗰啲新聞，我亦都唔信。」
此外，宣萱前晚出席一個活動時，對張可頤和郭可盈因女主角獎項而產生罵戰一事說：「我冇睇，我冇親耳聽到嘅嘢唔會信。」問她覺得郭可盈有沒有代表作，宣萱稱自己很少看電視劇，但問到她自己可有代表作時，宣萱就說：「《戇夫成龍》同《刑事偵緝檔案》啦，咁我都可以繼續好啲嘅，我希望可以拍到套更加好嘅。」
採訪：卓美娟、李珮洳
攝影：仇志德、陳烱威、林雄德
