德國寶馬車廠於早前推出嘅全新Z4開篷跑車，一直備受車迷追捧，但奈何只有Z42.5i及3.0i型號供選擇，欠缺一款適合喜愛使用較細容積引擎用家嘅型號；故此，廠方於最近就推出咗配用2.2公升偈嘅Z42.2i，以迎合佢哋嘅要求。
呢款全新寶馬Z42.2i，用上一台2.2公升直6引擎作為動力核心，馬力輸出為170ps/6100rpm，扭力輸出數值則為21.4kgm/3500rpm，匹配5前速手波或5前速半自動波箱，起步加速反應絕不遜於2.5i型號，性能表現可謂毋庸置疑；除此之外，廠方響強化新車結構嘅同時，其車重亦要較其他型號來得更輕，只有1,325kg咋！
至於賣相方面，全新Z42.2i與現有2.5i及3.0i型號相近，並無話有太大分別，但就改用上新款16吋跑車合金胎軨，頓時令車子嘅賣相變得更富魅力；車廂布局亦見有一份吸引性，除空間闊落之餘，設備配搭亦見齊全易用。
對新車感輕趣嘅車迷，不妨拭目以待喇！