邱淑貞（豆斗）丈夫沈嘉偉一向低調，二人的愛女亦極少曝光，前晚豆斗一家三口同到銅鑼灣i.tMickeyStore出席開幕派對。嘉賓之一的蔣雅文（Mandy）到場與米奇拍照時，卻被對方胸襲。
邱淑貞丈夫、I.T時裝店老闆沈嘉偉一向低調，前晚他旗下的i.tMickeyStore銅鑼灣店開幕，邀請了新人鄧肇欣、鄭融及蔣雅文等示範新裝，沈嘉偉與太太邱淑貞則抱着女兒一同宣傳新店。
豆斗提到從未試過一家三口齊齊亮相，她說：「我個女好鍾意米奇，佢𠵱家兩歲零三個月，已經去過四次迪士尼，佢八個月大已經去嘞，所以同米奇好熟。」
豆斗謂其女兒一次去看冰上嘉年華時，因米奇老鼠很快便出完場，女兒即傷心大哭，豆斗說：「所以今日請咗米奇嚟，我一定要帶個女嚟囉。」問豆斗其女兒是否正準備入學？她說：「我未搵學校，𠵱家讀緊幼兒班，都唔使讀名校，間學校好，用心教就得。」
問豆斗會否再生孩子？她表示暫未計劃，她說：「如果再生，男女都冇所謂，我個女都話過鍾意BB，𠵱家咪玩住人哋啲BB先囉！」
此外，前晚Mandy姍姍來遲，她到場即與米奇老鼠公仔合照，米奇老鼠卻攬着她的胸部，事後蔣雅文說：「佢唔係特登嘅，可能睇唔到啫，佢本來想攬我腰，我都企高避一避，佢應該感覺到我縮，我咁大個女未俾人胸襲過㗎！」
採訪：駱華齡
攝影：陳烱威
