姚樂碧、楊其龍及陳加玲等人，前晚往中環dragon-i出席法國品牌Chloe五十周年的慶祝派對，Chloe總裁專程由法國來港出席，現場並有模特兒示範Chloe來年春夏新裝及該品牌五十年來具特色的舊作。
姚樂碧大談近況說：「我𠵱家忙緊寫一本英文書，遲啲會去加拿大拍一個服裝廣告，不過就唔會喺香港播嘅。」問她廣告酬勞有沒有七位數字？她說：「冇咁多，不過對方會贊助我服裝。」至於新書會否再找倪震寫序，姚樂碧則說：「唔敢啦，你哋唔好成日提佢啦，佢做訪問又提我，你哋見到我又提佢。」
此外，陳加玲被問到與羅傑承的金錢糾紛進展時，她說：「件事重處理緊，不過呢件事畀我好大陰影，以後同人合作做生意都要好警惕，就算係屋企人都要簽合約。」
採訪：林妙萍 攝影：陳慧安
