由雷宇揚執導的《墨斗先生》邀得不少好友助陣，日前家強便客串飾演城巴司機，趕走搭霸王車的陳小春，害得對方要搭豬車。不過小春原來十分喜愛豬隻，故此他樂在豬群中。
陳小春和黃家強日前在灣仔街頭拍攝由雷宇揚執導的電影《墨斗先生》，家強只是客串一日，飾演巴士司機。記者見他駕駛巴士似模似樣，家強笑說：「第一次做戲扮巴士司機，我覺得幾得意，今次肯客串演出，純粹為咗阿雷（雷宇揚），同佢識咗咁多年，佢做導演，我梗係要撐佢。」
雷宇揚在城巴內指導家強要喝令沒帶錢的小春下車，而小春因趕時間，被趕下車後惟有乘搭一輛載滿豬隻的豬車往目的地。身穿西裝的小春走入充滿臭味的豬堆中，其間還ＮＧ了數次，小春及後說：「喺豬堆中又真係幾臭，不過我本身唔討厭豬，由細開始我就覺得啲豬好可愛，所以同豬拍戲我唔會抗拒，亦都唔會嫌啲豬臭。」
此外，黃家強被問到Beyond成員葉世榮被人貼大紙報追債一事時說：「呢啲係假料，根本就冇欠債事，所以呢件事冇影響到世榮嘅心情。」
在旁的雷宇揚亦力撐世榮說：「佢咁好仔，點會欠人債，我覺得係無聊人嘅惡作劇，呢輪我忙住拍戲，都冇乜時間搵佢出嚟傾偈，等下個月中拍完部戲先約番啲老友敍舊啦！」
採訪：魯萍
