薛家燕（好姨）平時以豐田ESTIMA八人Van代步，她把保母車布置得十分舒適，方便開工時用。好姨很着緊車內的卡拉OK，方便有時在車程中練習登台的歌曲。她更自備痰罐，以便人有三急時在車內解決。
工作排得密麻麻的薛家燕，平時很少留在家中休息，為了緊接每項工作，她都會安排司機接載。好姨前年以三十多萬元購入一部豐田ESTIMA八人Van，為了方便工作，她把保母車布置得如家一樣舒適。
好姨說：「我平時開工唔使埋位，都鍾意留喺架車度休息，所以我要求架車要好舒服。」好姨在車內安裝窗簾，方便換衫之餘，亦有其他用途，她說：「其實換衫係其次，有時喺郊外拍劇，人有三急就會喺車裏面解決，所以平時都會有個痰罐，不過呢樣嘢我梗係唔方便畀你影啦！」
問好姨為何挑選這款保母車？她說：「我對架車嘅外表都好講究，我當日專登揀香檳金，因為金色、黃色嘅嘢比較利我。買咗呢架車之後，果然樣樣嘢都好順利，拍劇收視又好，亦長做長有。」
好姨很重視保母車內的布置，設備應有盡有，其中的卡拉OK是好姨的必需品，她特別花了五位數字裝置卡拉OK，她說：「因為我好少機會留喺屋企，成日要去登台，最好就係喺架車裏面練歌，有時未輪到自己埋位，我又可以睇吓電視解悶，都幾方便。」因為唱K會令喉嚨乾涸，所以她亦會必備喉糖滋潤一吓。
好姨又在保母車內放置了不少飲料和零食，更有一個小冰箱。她說：「買定啲零食，平時出外景都可以招呼吓其他演員，所以我日日都會補給。」
採訪、攝影：王崇穎
