出爐港姐冠軍曹敏莉「處女下海」成為纖體公司的新任代言人，日前她便跟李蘢怡（Tiffany）冒寒穿上三點式泳衣在遊艇拍攝廣告硬照。曹敏莉這樣捱得，難怪張玉珊稱讚她十分抵用呢！
出爐港姐冠軍曹敏莉近日獲修身堂邀請擔任代言人，她日前跟李蘢怡一同坐快艇拍攝新一輯廣告照，展示收身後的身形。三圍34、23.5、34的曹敏莉和擁有35、25、35身段的Tiffany日前穿上三點式拍攝廣告，但當日剛好遇上寒流襲港，令二人在快艇上冷得發抖。
對於穿三點式拍廣告，曹敏莉昨在將軍澳電視廣播城說：「呢次着泳衣拍廣告，已經係我嘅極限。」而Tiffany日前說：「我第一次同曹敏莉合作，大家都差唔多年紀，我哋好好傾。我覺得佢不愧為港姐，好靚女，佢重同我分享扮靚心得。」
問修身堂老闆娘張玉珊為何會邀曹敏莉任代言人？她昨日在電話中說：「曹敏莉係港姐冠軍，佢選美期間狀態好弗，又勤力纖體，而且從未試過有纖體公司邀請在任嘅港姐做代言人，我哋咪突破一吓，亦希望佢呢個冠軍級人馬順便旺吓我哋間纖體公司。」
問曹敏莉的纖體廣告酬勞多少？張玉珊說：「修身堂𠵱家上咗巿，我唔方便講代言人嘅身價。總之一句講晒，曹敏莉係好抵用嘅代言人之一。我其他嘅代言人有平有貴，拉上補下。」
問張玉珊可會把公司股份分給一眾代言人，她說：「佢哋都冇問過我，不過佢哋又唔識投資，我啲股又分晒，如果佢哋乖乖哋宣傳，我咪加啲酬勞畀佢哋。」
採訪：比華利
