張燊悅的穿衣之道是色彩繽紛，不論穿甚麼衣服，只要顏色配襯得醒神，她便喜歡。原來她情迷品牌TsumoriChisato，自稱是慳妹的她更表示最捨得買該牌子的服裝，其他名牌則很少買。
張燊悅每次出席公開場合，衣着都給人一種色彩繽紛的感覺。原來張燊悅特別喜愛色彩斑斕的衣服，尤其冬天，寒意讓人有昏昏沉沉之感，colorful的衣服可為穿者增加一點醒神作用。
張燊悅自稱是慳妹，她表示並不太喜歡追求名牌，只有一個品牌的衣服她最捨得買，她日前說：「因為我唔想花太多錢喺啲衫方面，我最捨得買嘅牌子就係TsumoriChisato，因為佢啲衫夠colorful，但係我都唔會買太多，怕同其他藝人撞衫，反而我會比較鍾意買表同首飾。」
談到買手表，張燊悅比較鍾情勞力士，前日她出席活動時便戴上一隻價值二萬多元的勞力士，她說：「我鍾意Rolex，感覺佢係forever，好似我阿爸阿爺嗰代，都係戴Rolex，我自己都有五隻Rolex。」而飾物方面，張燊悅表示看到喜歡便購買。
至於服裝色調，張燊悅說：「我唔鍾意一啲沉色嘅衫，因為會令到個人好攰。彩色就唔同，着咗彩色嘅衫，個人感覺都開心啲，而且面色都會有分別，好似着黃色衫，咁面色就會偏黃。」
張燊悅又表示穿顏色鮮豔的服飾，要懂得以沉色衣服來配襯，這樣才能凸顯鮮色衫的鮮明感。而她在不同時期，都會有不同的形象，她說：「我都冇特定嘅穿衣風格，期期都唔同，好似呢期流行女性化多啲，所以我會着多啲裙，早排我就鍾意hiphop，咁我就買咗好多鬆身衫，比較男性化。」
採訪、攝影：胡比
