名填詞人生前心儀的女子
葉蒨文：好掛住林振強

葉蒨文與一眾歌手昨晚在北京出席綜合晚會，提起名填詞人林振強的逝世，葉蒨文一臉哀傷，並透露去年林燕妮曾踢爆林振強原來一直很喜歡她。葉蒨文更說：「攞番佢寫畀我嘅歌詞出嚟睇，我好掛住佢。」
記者王連連、陳慧安北京直擊

葉蒨文、黃秋生、郭富城、Twins、李克勤、陳小春、鄭中基及莫文蔚等，昨晚出席在北京首都體育館舉行的「愛在陽光下音樂電影」首映暨綜合晚會，劉德華以導演身份現身，監製為杜琪峯，至於主題曲《同行》則由內地愛滋病患者填詞，劉德華及鄭秀文主唱。

雙手合十心感悲痛
葉蒨文昨日下午出席綵排，提到因癌病去世的名填詞人林振強時，她雙手合十，一臉哀傷地說：「I'msosad，我聽到呢個消息好驚訝，今年特別多悲傷嘅嘢。林振強好有才華、好有才能，而且好好人。我知道呢個消息之後，攞番佢寫畀我嘅歌詞出嚟睇，我好掛住佢，佢留低咗好靚嘅歌詞，我最鍾意佢寫畀我嘅作品係《信自己》。」
林振強當年曾經找葉蒨文拍攝啤酒廣告，原來林振強十分喜歡葉蒨文，葉蒨文說：「舊年林燕妮同我做訪問時，我哋講開林振強，林燕妮重踢爆林振強好鍾意我，其實我有諗過我首《傷逝》嘅詞搵佢填，但林燕妮話佢喺加拿大，不過佢冇提林振強嘅病，可能唔想大家擔心。林振強平時好少講嘢，我同佢食飯通常係我一個人講嘢。佢過咗身之後，我冇同佢屋企人聯絡過，但我同阿Lam都會出席喪禮。」

小春栢芝赴美度歲
昨日有份出席綵排的歌手亦包括陳小春、鄭中基、李克勤及莫文蔚等。陳小春直認將會與栢芝一起到美國登台度歲，他說：「我哋都冇時間玩，一落機就去酒店，又唔係兩個人去，向生（向華強）向太都去。」
昨晚綜合晚會於七點半準時開始，而遲了十分鐘的劉德華則與郭富城一同上台。眾人在台上舉行啟播儀式，該片參與的演員眾多，除了到場藝人外，還有林子祥、張栢芝、Shine、陳慧琳、古天樂、梁詠琪及黃凱芹等，當中栢芝及小春更在片中跳慢舞。