林子祥早前擔任汪明荃演唱會表演嘉賓時失足跌落升降台，令耳朵受損，至今仍未改善。阿Lam前晚表示右耳骨有離位，影響聽覺，他為了治療好右耳，更接受過針灸治療。
林子祥、馬詩慧、陳淑蘭及康華等，前晚在灣仔會展出席新片《真的戀愛了》首映禮。阿Lam早前在汪明荃的演唱會上不慎跌落升降台，令耳朵受傷，經過一段時間治療，他表示右耳耳骨仍有離位情況，影響聽覺。
阿Lam前晚並沒有戴上耳機輔助聽覺，他說：「右耳聽得唔好，演出就要戴耳機，但因為左耳冇問題，所以一旦開得大聲，左耳又會唔舒服。我隻右耳嘅耳骨出現離位情況，接收聲音唔係幾好，但都唔係好大影響。」那麼會否動手術治療？阿Lam說：「唔知，但醫生話可能幾年後會好番，我都曾經用中醫同針灸治療過。」阿Lam年底更會到內地開騷。
而王敏德計劃於明年推出唱片，他的太太馬詩慧前晚說：「佢成日喺屋企彈結他同唱歌，我都冇講過話寧願佢玩結他多過玩直升機，佢鍾意乜嘢咪乜嘢囉！」
蘭子前晚與緋聞男友曾國銘看首映，她說：「我呢排都冇男仔追，我唔玩手段，我以後識嘅都想係可以結婚嘅對象，我唔想成日玩，玩到個朵臭晒，如果遇到啱嘅我唔介意主動追求。」
採訪：陳梅香
攝影：何國豪
