2R兩姊妹一向予人嬌滴滴的感覺，衣着亦以可愛及親切為主，故Race及Rosanne多選擇一些受年輕人歡迎的品牌，經典的cutie米奇老鼠圖案衣物更俘虜了一對甜姐兒的心。
姊妹姐合2R連日來出席各大小宣傳活動，都悉心打扮示人，兩人日前以一身米奇老鼠的服飾出現，十分配合年齡和氣質。
2R兩姊妹說：「我哋都好鍾意米奇老鼠，因為呢個卡通人物好經典，而且顏色又好鮮豔，好啱我哋呢個年紀，有時佢啲公仔又會有啲古着feel，加上價錢又唔係好貴，好啱我哋呢啲年輕人。」
日本品牌Commeca的服飾亦吸引到2R，她們說：「呢個日本牌子好啱年輕人，之前我哋都有留意佢嘅衫，發覺佢啲設計雖然好簡單，但係cutting就好靚。」
2R深懂mix&match之道，就如早前姊姊Rosanne就以一身casualwear的打扮，配以一對價值三千多元的LV波鞋，整體感覺更形突出，Rosanne說：「唔係成身名牌就好睇，好似我呢條褲只係幾百蚊，不過LV嘅嘢就真係物有所值，雖然對鞋要三千幾蚊，但係今季好興金色、銀色嘅波鞋，呢對鞋兩種色有晒，撞得嚟好搶鏡。」
採訪、攝影：陳梅香
