媽子一得閒，就最喜歡招呼一大班朋友在家中雀戰，細佬就更加是無可樂不歡的汽水怪，少不免會預備大量汽水放在雪櫃內。雖然𠵱家有環保回收箱，飲完的汽水罐可以收集起來，一併投入黃色回收桶裏，不過向來鍾意動腦筋的我，就會喜愛將其變成一些有用的小擺設，實行生活環保DIY。
記者：陳美娜 攝影：梁細權
協力示範：MimiTang
相信好多人都喜歡在家中燃點香薰，令屋企變得香噴噴，但在市面買一個靚靚的香薰爐，動輒要百多元一個。其實我們可以利用飲完的汽水罐，剪去其開口部份，將罐的底部凹位用來盛載香精油，再於罐身上剪兩個洞，作為安放蠟燭及通風位。然後就運用自己的創作力，在罐身黐上從海邊拾來的貝殼及珊瑚石，加上晶瑩通透的玻璃珠，糅合近年興起的Mosaic藝術，這樣就可以超平價，擁有一個充滿地中海風情的香薰座了。
材料
空汽水罐 一個
玻璃珠 適量
貝殼 適量
珊瑚石 適量
抹粉或白英泥 約3湯匙
小秘技
雖然抹粉及白英泥所得出的效果差不多，不過抹粉較易控制及容易風乾，但價錢也較昂貴，大約是$10-$30（半斤裝），可於美勞用品店購買。而白英泥則可於五金舖購買，價錢約為$2半斤。另外，吊燈的材料其實可以有很多代替品，例如鐵線可用魚絲線代替，而膠珠可以剪一些圓形的膠片代替，只要能善用你身邊已有的材料，一樣可以製作出美輪美奐的燈飾。
中秋節過後，有好多小朋友會將玩完的電燈籠丟棄在一旁，其實如果將電燈籠去除外殼後，燈籠芯還是有用的。只要我們花點心思，利用汽水罐製成一個燈罩，再加上彩色珠及噴上噴雪劑，就可以變成富有聖誕色彩的燈飾。
材料
空汽水罐 一個
電燈籠燈芯 一個
噴雪劑 一罐
彩色珠 適量
鐵線 一捆
汽水罐的上半部份，可以用來做燈飾，下半部份其實也不要丟棄，所謂用得唔好嘥嘛！只要動動腦筋，再花點心思替汽水罐作一輪修飾，就可以成為一個實用的小兜，用來放置雜物及輔幣就最適合。
材料
空汽水罐 一個
手工紙 適量
膠水筆
