都話唐唐好運，娶到個好老婆，唐太噚日同專程去上海嘅囝囝，一早走去參加「滬港大都市發展研討會」，兩母子坐喺度悶咗個幾鐘。
到唐唐上台發言時，唐太即刻攞個數碼攝錄機出嚟，好似fans咁猛影個老公，隔咗冇耐，又攞多個數碼儍瓜相機出嚟，影埋坐喺隔離嘅囝囝，記者又影返佢哋，結果全場閃個不停。
另外，上海副市長姜斯憲噚日講開滬港合作時話，上海出名嘅南翔小籠包好快會去香港開舖，而香港嘅半島酒店就快會打入上海。
雖然香港嘅小籠包店未開，但係上海老城隍廟嗰間南翔饅頭店，出晒名嘅南翔小籠包賣到成行成市，相信到時香港排隊買小籠包嗰條人龍都唔會短得去邊，港人有口福嘞。
（圖）唐太攞個相機除咗影台上嘅老公之外，台下嘅囝囝（右）都唔放過。 本報記者上海傳真
傳真︰2623-9278
電郵︰