近排成日講滬港合作，原來上海市長韓正同我哋嘅老董真係成日見面，除咗韓正去香港、老董放假去上海先後見過兩次之外，佢哋今個月不約而同出訪歐洲，喺英國又見面。
韓正噚日喺上海見唐英年時自爆，佢同老董喺英國時住埋同一間酒店，而且係同一層樓打正對面，證明滬港真係好有緣份。
呢頭講完老董，冇耐佢又提到董生嘅家族生意，韓正話去漢堡嘅時候，見到最大嘅船就係東方海外嘅船，裝到八千個貨櫃箱，比航空母艦更大隻。
在場嘅董建成就連忙補充話，雖然係咁，佢哋成隻船只有二十個員工喺上面。呢個時候，唐英年扮到好驚奇咁搭訕，話航空母艦要五千個人操作，咁東方海外嘅效率高過航空母艦好多！
傳真︰2623-9278
電郵︰