好多人把口都識講，將電腦科技融入生活，但往往知易行難。昨日本報記者直踩台灣acer總部，採訪了最新的「2003宏碁全球記者會」，佢哋提倡了全新的Empowering的「E」電腦概念，簡單講就係用WirelessLAN同固線LAN，將電腦同家電嘅影音享受，連結在一起，大家就睇吓佢哋有乜新諗頭。
記者、攝影：朱崇德
當大家重喺度想弄清甚麼是LCDTV的時候，acer突然爆出一種「ETVD」的新電子方案；簡單講佢同LCDTV大致相若，可以駁電腦，又可以當普通電視機咁用，但最不同凡響處，係加入了WirelessLAN同固線LAN的插頭，當中尤值得注意是他同時兼容802.11a/b/g三種制式，如802.11g的特大頻寬，在睡房播DVD，可以用無線網絡在客廳的ETVD直接播放。
據現時資料，ETVD將會有26"及34"兩種型號，預計在明年第一季度推出，售價則未定。
以LCDTV嘅價格作基準，小記相信上到廿幾三十吋嘅ETVD售價要三數萬一台。但如果剛買咗新Plasma或LCDTV想玩「E」概念又點算呢！
acer在記者會上就展示了EBox，據稱普通電視有咗呢部機，都可以用到WirelessLAN及LAN連線功能，另外機身面板前的多合一CardReader，可以對應到CF?xD?SM?MS?SD等多種不同記憶卡種，不論動態影像檔，還是靜態數碼相片，即插即播，好方便。
小記在展覽場館上，看見他們只要一部Palm，就可以透過「語音辨識」系統駁上電腦，讓使用者透過語音虛擬代理人──小皮，以交談的方式做到電視節目轉台?開收音機?播放指定音樂曲目及開啟數碼相片等！令人驚訝者是辨識率非常高，而且反應時間亦相當快！
另外，佢重會有一個無線電源開關的接駁器，只要加在所有電器的電源插蘇頭之上，佢就可以做到語音開關，如果屋企有幾百呎，叫一聲就可以全屋燈光着晒或全部關燈，真係幾有用。
呢部ＥRadio真係強到拍電影一樣！收音機加咗LAN會點樣？就係可以收聽世界各地的網上電台，從此收音機可謂打破了AM?FM的頻譜及地域性的界限，化身成InternetRadio！
此外，機身頂部還配置有CD碟盤和多合一記憶卡插口！玩數碼音樂，當然冇問題啦！
軟件有啲似《ICQ》，而且功能亦有點相似，因為佢都係以「點對點」的形式，將電郵訊息，直接由一部電腦傳至另一部電腦！當你收唔到Mail時，佢會化作手機短訊Send畀你，遇到緊急情況，真係好有用！另外，《JITMail》還同時對應電腦、ETVD、手機、Palm等多個不同平台，你用以上邊一種模式Online，介面都會清楚顯示。
現時acer第一把交椅－－施振榮董事長，可算係一手將acer湊大，除在今次發布會講及acer的發展，重表示將會在明年退休，這可算是台灣電腦界一件大事！
