天氣乾燥,皮膚特別乾燥,咁呢個養生湯水就至啱呢個時候飲。桑寄生唔單止有降血壓作用,重可以改善容顏枯糙、關節無力及氣血不足。飲完,成個人都靚晒。 記者:羅惠芬
用咩料: 桑寄生1両 雞蛋一隻 紅棗8粒 冰糖少許 好易做: 1.雞蛋煲熟,去殼。紅棗去核,不用清洗,備用。 2.清水6碗,放入桑寄生、雞蛋和紅棗,以慢火煲約個半小時。 3.最後加入適量冰糖,煲約一分鐘即可食用。