民主派今次喺區議會大勝，民建聯大敗，有人笑說DAB個logo變咗負資產，猛咁啪偉哥，都幫佢哋唔到，因為大家都好記得當日太空人訪港，葉國謙同劉江華都好似攝石人咁死黏住偉哥唔肯行開。
至於白鴿黨黨主席楊森都認咗今次有九十五人，即係八成人當選係喜出望外，雖然有人投訴民主派鬥心太低，好多區都冇出人同土共份子爭，俾人哋自動當選。
但係亞森始終相信自己嗰套精英制──要喺地區做過一年嘢，白鴿黨先支持佢參選。今次發現新仔都掂，佢哋將來會培養多啲新人出戰。
白鴿黨未定幾時慶功，因為有更重要嘅事要做，就係乘勝追擊，迫老董同林瑞麟一係放棄委任，要委都唔可以只委啲親政府嘅極右土共入去。
傳真︰2623-9278
電郵︰