名模琦琦昨日在中環主持水晶店開幕禮，她表示與丈夫任達華分隔兩地工作，逾月不見，非常掛念。任達華憑《PTU》角逐今屆台灣金馬獎最佳男主角獎，琦琦更買了一隻水晶駿馬，希望為夫帶來好運。
名模琦琦昨日在中環為水晶名牌SWAROVSKI主持開幕儀式，同場更由名模歐陽妙芝、洪華等示範全新水晶手袋及首飾。琦琦穿上一條釘上「Honey」水晶字的牛仔裙示人，她表示Honey代表丈夫任達華，她說：「我好掛住Honey，我哋一個月冇見面，因為佢去咗南非拍戲，我又忙住返大陸開新書簽名會，巡迴四個城巿，最快要到聖誕節先見到面。」
琦琦又表示遺憾未能陪華仔赴台出席下月十三日舉行的金馬獎頒獎禮，任達華憑《PTU》角逐金馬獎最佳男主角，琦琦表示早前買了一隻水晶馬送贈華仔，希望帶來好運。
琦琦說：「今年係羊年，幸運動物係馬，我希望佢好事成雙，攞一隻金馬、一隻水晶馬。入行咁多年，華仔從來未攞過金馬獎，如果得到就係最好、最大份嘅聖誕禮物喇！」
琦琦又透露聖誕會暫停一切工作，與華仔到九寨溝歡度聖誕節，琦琦笑說：「上次佢哋去九寨溝旅行影風景相，點知成千個大陸fans，日日跟住佢，又叫佢影合照，最終都無辦法安心影相，希望今次天氣夠晒凍，人少啲啦！」
採訪、攝影：林妙萍
