時近年尾，唔少日本代理運嚟2004年新版MPV抵港，一時間令市場變得熱鬧之外，其實用性及吸引嘅賣價，亦起有一定刺激作用。然而，相繼引入全新MeganeⅡ五門掀背、四門轎車版嘅法國雷諾汽車，今年嘅新車種又何止得咁少呢！好似佢哋嗰部有別一般MPV嘅Espace，繼早前廠方推出全新車系後，原來香港代理亦經已秘密運嚟兩部。
新車賣相夠出位之餘，亞Mark聞得引擎配搭亦見與眾不同，為一台2.0公升Turbo偈（165匹），勝在較傳統自然吸氣偈，起跑加速表現來得更強嘛！然而，新車除屬歐洲車外，佢響歐洲嘅撞擊測試中，防護性表現亦見突出，屬名列前茅嘅車種，身價自然要較一眾同級車稍貴一點；據聞車價方面，硬頂版Espace會賣33萬8千起；有興趣嘅車迷，不妨向代理打聽一下喇！