MichaelLau銅鑼灣開舖！

神神秘秘，MichaelLau突然在銅鑼灣開舖，也許應稱作Gallery，既展出劉米高新作，亦同時出售其最新作品。
「想低調啲，所以連Opening都唔搞。」所以連宣傳方面都只通知相熟傳媒。Michael說，自己早有開Gallery的念頭，不過拖了又拖，自己又不擅於市場籌劃，因此直至最近有朋友發起，於是一起合辦，除創作外大部份事務均交由友人負責。地點倒有參與意見，選在銅鑼灣是由於「尖沙嘴都令人想起食肆，旺角太多『潮流人』自己好少去。銅鑼灣最就腳，同人講糖街7-11樓上6樓，好易搵。」而Gallery就索性簡簡單單，叫做「Sixs」。

■一肥一瘦速遞員，貼紙供你自由發揮。(各$500)

■同場將出售S.F.C.C.Tee，暫未定價。

S.F.C.C.會做動畫
咁有乜新作？Michael：「新作係CrazyChildren21~30cc，共10隻叫做S.F.C.C.，今次玩科幻，嚟緊這系列應該會做成動畫。佢哋係未來包裹速遞員，因保安問題，佢哋會將包裹綁喺自己身上，到埗先鬆綁交貨。」筆者一見到一肥一瘦速遞員即笑到碌地，個人認為係米高歷來最好笑作品。劉米高勤力，共十隻S.F.C.C.全部已經做好，將會在Sixs每月推出兩隻（首月是21~22cc），一如過往，21~29cc九隻中會各有一部件，集齊合組成30cc（第十隻）。而Gallery就會於明天（26號，周三）起，每月添兩隻展出兼售賣，同場亦有S.F.C.C.Tee推出。

記者、攝影：何兆彬

地址：Sixs（28827168）
銅鑼灣糖街29~31號匯景商業中心6字樓（7-11樓上）

■速遞員另配手套、透明面罩、貼紙。

■㗎仔都捧的Figure王搞舖，Fans跌錢在所難免。