美國BFGoodrich輪胎正式登陸香港

來自美國嘅BFGoodrich輪胎，不但推出咗多款適合不同類型車輛使用嘅輪胎外，而且更成為多支著名落場比賽車隊嘅輪胎供應商；喺日前，代理方面更假沙田香港駕駛學院，舉行咗BFGoodrich輪胎登陸香港嘅發布會，並請來著名車手關兆昌，作各式各樣嘅輪胎測試，而佢重對BFGoodrich輪胎有唔錯嘅評價㖭！

記者、攝影：何永仁
查詢：新志利洋行（25436597）

輪胎款式選擇多
率先抵港嘅BFGoodrich輪胎，分別有g-ForceSport、SportT/A、Mud-TerrainT/A及All-TerrainT/A型號。
其中g-ForceSport備有ETEC技術、g-Control胎側嵌入物等等，從而令汽車響高速行車時仍有良好嘅操控表現及行車穩定性。至於SportT/A，則選用咗廠方嘅PEC-Tech技術，呢種技術響彈性高而收縮性低嘅聚脂胎體上，能平均分散壓力及重量；同時又使用咗（duraTech）技術，令輪胎響任何天氣情況下，都可有不俗嘅對地抓着力。
而適合越野車使用嘅Mud-TerrainT/A輪胎，備有BFGoodrichDiggerLugz不同形狀膠粒去咬緊沙泥，改善咗牽引力及轉向操控，響任何路面環境下都有操控自如嘅表現；而All-TerrainT/A輪胎，更附有BFGoodrichshoulderLock技術，令表現要來得更強呢！

多支車隊均選用
成立於1870年嘅美國BFGoodrich輪胎公司，多年來致力研製不少適合不同車種使用嘅輪胎，並備受用家讚許，同時亦受到不少賽車隊伍嘅賞識，選擇BFGoodrich為旗下戰馬嘅指定輪胎供應商。
而響剛過去嘅第50屆澳門格蘭披治大賽中，贏得東望洋大賽冠軍嘅許士文（DucanHuisman）所駕駛嘅寶馬320i戰車，同埋喺澳門電訊盃奪得冠軍及亞軍車手所駕駛嘅戰車，都係選用BFGoodrich輪胎㗎！

關兆昌親身測試
大會方面除展出多款在港推出嘅新輪胎外，並請來本港著名車手關兆昌（CharlesKwan），為輪胎作實地測試，除用上豐田Corolla一類家庭房車走Salem外，另外又用上一部SkidCar去測試輪胎響雨天濕滑路面下嘅表現。Charles試車後大讚輪胎無論乾地或濕地，都有頗出色嘅循迹性，而且重可以為車上乘客帶來舒適嘅乘車感覺。