一年一度嘅渣打馬拉松又嚟嘞，八方當然去睇睇有乜新料。唔知係咪搞得愈來愈投入，渣打對此賽事愈來愈有諗頭，佢哋噚日宣布，馬拉松比賽前一日，即係明年二月七日下午三點至四點半，會喺維園足球場舉行一場個半鐘嘅馬拉松音樂會，所有馬拉松籌款活動嘅參賽者，都可以獲發兩張入場券，冇參加嘅都有機會入場，只要透過捐款，籌得最多款項嘅頭一千名善長，就可以攞到四張飛。
大會估計，呢個音樂會可以容納一萬三千五百觀眾。今屆馬拉松大使許志安會喺音樂會演出，重話希望唱完後，第二日一早去跑馬拉松。不過，渣打大班王冬勝今年就唔跑喇，因為話「老咗跑唔郁」喎。
（圖）馬拉松大使許志安（右）同渣打大班王冬勝齊齊研究呢件靚「戰衣」。 程志遠攝
傳真︰2623-9278
電郵︰