古巨基近年在形象上花盡心思，最近主力參考東洋潮流，他表示今年冷製衣飾大行其道，故日前戴上日本品牌BEAMSBOY冷帽及鏈墜，配襯日本殘舊短靴，更添粗獷味道。
古巨基近年在形象上力求轉變，希望能凸顯個人風格，故主攻日本牌子服飾，日前他由頭到腳以不同日本牌子的服裝配襯，包括在香港、日本都大熱的BEAMSBOY，還有日本新興牌子kiminorimorishita，基仔將不同牌子mix&match，效果突出。
基仔透露請了陳慧琳的髮型師Nichol做形象設計師，無論髮型及衣着都由對方一手包辦，基仔說：「我以前着衫畀人感覺太casual，自從Nichol幫我設計咗呢個日本look後，唔少人讚我着衫好睇同有味道，我重同佢一齊去日本搜購咗近六位數字嘅服飾。」
一向不喜歡誇張打扮的基仔，最適合穿簡單且有味道的服飾，他不時留意日本的時裝雜誌，正如日前他以襪子包着褲腳的打扮，就是參照日本雜誌建議的着法，基仔說：「喺日本無論男仔或女仔，都好興將對襪包住褲腳，而我再襯一對感覺殘殘哋嘅AlfredoBannister短boots，就增添咗粗獷嘅味道。」
基仔又表示今年除了興戴冷帽之外，亦十分流行冷衫及冷頸巾之類的冷製衣飾，他說：「其實冷衫唔算乜嘢流行衣着，係冬天嘅必需品，但今年啲冷製衣物好有潮流感，着起嚟特別有味道。」
基仔雖然已經聘請形象設計師，但他亦會花心思配襯飾物，如他見BEAMSBOY的鎖匙形鎖匙扣十分精緻，便以它來配襯Gucci的頸鏈，甚有個人風格。
採訪、攝影：駱華齡
