「鍾意開快車可以落場賽」
小春籲民主黨教訓停牌鋒

本月初剛結束一年停牌生涯而復牌的謝霆鋒，昨日就去年六月在北大嶼山公路的交通意外案件出庭，結果再被法庭判罰停牌半年，罰款四千元，名副其實是「停牌鋒」。陳小春得悉霆鋒被停牌後大表贊同，更暗寸說：「香港咁多人鍾意開快車，民主黨應該講吓嘢啦！」

謝霆鋒去年六月駕駛奧迪房車，在北大嶼山公路與一部律師行的平治房車相撞，被票控不小心駕駛罪，霆鋒昨日早上在經理人霍紋希（Mani）及助手等陪同下，乘坐保母車到荃灣裁判法院應訊。霆鋒昨日仍舊穿上他的「上庭戰衣」黑色西裝，而到場採訪的記者人數，明顯比上幾次他為妨礙司法公正一案應訊時少，不過仍有四名工作人員為霆鋒開路，警方亦一度封了法院旁邊的行人路。

不服？
「公道自在人心」
霆鋒昨日在庭上承認控罪，被判罰款四千元及停牌半年，其實霆鋒剛結束一年停牌生涯於本月初復牌，如今相隔不足一個月又再被停牌，提到對判決是否滿意，霆鋒離開法院時說：「公道自在人心。」緊隨記者身後的Mani擔心霆鋒講錯說話，即緊張地上前問記者霆鋒如何回應，事後她致電報館補充說：「好滿意裁決嘅結果，裁判好公道，只係停牌多半年，唔會上訴。」對於霆鋒在再度停牌前完成電影《新警察故事》中駕駛法拉利的鏡頭，Mani表示不覺得好彩，她說：「唔關好唔好彩事，冇牌咪唔拍。」
霆鋒審訊完畢後返回山頂寓所逗留個半小時，並換上漫畫《足球小將》中好勝心強的主角小志強所穿着的明和隊10號球衣，往中港城碼頭坐船到中山拍廣告，霆鋒表示已第一時間致電通知其母狄波拉有關判決的結果，他說：「做父母梗係擔心啦，不過唔可以話報喜，都唔係喜嚟啦！」

譏諷！
司機代勞何需駕車
霆鋒再次被停牌，不少圈中人士都舉腳贊成他不要再揸車，陳小春昨日在灣仔拍攝新片《墨斗先生》外景，被問到霆鋒停牌半年時，小春歎氣說：「又停牌，不過佢（霆鋒）都唔使揸車，有咁多助手，公司又有司機，坐車重好過，唔好揸啦！」
小春說：「老實講點都好，香港地方快得去邊呀，車就唔使辣，鍾意開快車可以好似郭富城咁落場賽車！我自己就冇快嘅車，只有家庭車，靚車會俾人偷，開快車又會俾人抄牌，香港咁多人鍾意開快車，民主黨應該講吓嘢啦！」

投票！
「做選民要登記嘅咩？」
此外，問小春前日有否盡做市民責任去投票，他說：「我想去投票㗎，不過噚日冇時間去唔到。」不過當記者問他在何時登記做選民時，他竟然不知要先登記做選民，小春說：「我冇登記過喎！乜要登記嘅咩？唔知喎，咁下年我去登記做選民。」y
採訪：魯萍、卓美娟
攝影：林德雄