霆鋒被判停牌半年，不少圈中人均大表贊同，而何韻詩更認為霆鋒停牌後路面上的人都會更安全。
Yumiko： 咪好囉！等佢可以休息吓，唔好再揸快車，太衝動唔係咁好。 何韻詩： 坦白講，我贊成佢停牌，之前停過一年都習慣唔揸車，反正佢都有司機，就冇所謂啦！佢自己安全，我哋又安全，停多一陣，佢又大個啲，祝佢好運。 汪明荃： 我唔知呢件事呀，我同佢一直冇聯絡，我點得閒理咁多嘢。（會否勸霆鋒小心駕駛？）個個人揸車都應該小心，我都冇乜嘢要同佢講喇。
