財爺唐唐上星期先上完北京，話咁快噚日又去咗上海，見一見無幾耐先見完嘅上海市長韓正，聽日再包架車去杭州，出席推廣香港嘅浙江．香港周，真係風塵僕僕。
今次咁啱唐唐位讀國際學校嘅公子放假，於是帶埋老婆郭妤淺同個仔一齊返上海，屋企人嘅機票酒店梗係唐唐自己畀錢啦。由於唐家同郭家喺上海都有好多親朋戚友，睇怕淨係探親都要花唔少時間。
講開唐太，佢真係好鬼識做，噚日搭飛機，唐唐一家三口坐頭等，中途唐太突然攞住個膠袋出嚟，原來係派酸瓜吞拿魚三文治卷畀大家食，難得搭飛機有愛心三文治，唔使捱飛機餐，都幾令人感動。
（圖）唐唐同老婆前日投完票，噚日就同囝囝一家坐頭等飛上海。
傳真︰2623-9278
電郵︰