傳媒大亨梅鐸嘅二公子傑智梅鐸（JamesMurdoch），同香港嘅關係一向密切，因為佢係以香港為基地嘅星空傳媒（即自李澤楷手上買入嘅StarTV）嘅最高負責人，但好快佢就會同香港疏離番，皆因佢已準備去英國搞歐洲嘅衛星電視業務，因此，佢較早前辭任星空董事長及行政總裁一職，本月初又辭埋星空做大股東嘅鳳凰衛視董事一職，一心一意去英國。
講起今次出任英國衛視總裁，James亦都唔係一帆風順。雖然呢間公司係佢老竇持大股，但因為公司屬上市公司，又係歐洲最大衛視集團，較早時一班基金經理就喺《華爾街日報》發炮，指阿James只係靠老竇嘅關係，並非真材實料之人，所以要力阻佢出任總裁。雖然佢哋最終失敗，但八方相信年僅三十歲嘅James，肯定要一番努力、做出成績先可平息基金界嘅不滿。
（圖）傑智梅鐸出任英國衛視總裁，原來曾經俾班基金佬彈佢靠父蔭。
傳真︰2623-9278
電郵︰