保時捷汽車為慶祝550Spyder誕生50周年，故將於明年推出一款以BoxsterS開篷跑車作藍本嘅特別版，車子不但加有多項配件，令造型望落更富跑味之餘，連性能表現亦變得更強呢！
呢款將會被冠以50Yearsofthe550Spyder名字嘅特別版BoxsterS，廠方不但為其加裝全車包圍，另外又噴上CarreraGT專用嘅銀色，襯以18吋跑車合金胎軨，頓時令賣相變得更吸引。
至於車廂布局，廠方就將主要色調改為深灰色，可謂吸引力十足；然而，全車座椅又以高級真皮鑲嵌而成，承托力高之餘又有唔錯嘅手觸感㗎！相信最惹人注目嘅，會係廠方為一台3.2公升水平對向六汽缸偈作出嘅改動，如馬力輸出數值較原有型號增多6匹（達266ps/6200rpm）、極速快2km/h（達266km/h）、0至100公里僅5.7秒（手波版）等等，從而令車子有更出色嘅性能表現。